Ministri i Mbrojtjes, Ermal Nufi, ka ndarë detaje lidhur me operacionet për shuarjen e zjarrit në tre vatra problematike.
Mësohet se në Gurë-Lurë të Dibrës, zjarri është izoluar falë korridoreve të hapura. Nuk ka rrezik për banesat. Ndërkohë vijon puna për shuarjen me 30 efektivë të FA dhe 2 avionë Air Tractor.
Në Tërbun të Pukës po vijon operacioni me 30 efektivë të FA dhe 2 helikopterë. Deri më tani nuk ka rrezik për zonat e banuara.
Vatra në Dajt po vijon e po ashtu edhe operacioni për izolimin e vatrës me 50 efektivë të FA dhe 1 helikopter. Nuk ka rrezik për zonat e banuara. Priska nën kontroll, ndërsa në Vakumone mbetet vatër e izoluar.
