Lapsi Video

Aplikacioni

Android iOS
Flash

8 nëntor 1462/ Pal Engjëlli shkroi Formulën e Pagëzimit, dëshmia e parë e gjuhës shqipe

«Unte paghesont premenit Atit et Birit et Spertit Senit». «Unë të pagëzoj në emër të Atit e të Birit e të Shpirtit Shenjt». Kjo formulë e shkruar nga Imzot Pal Engjëlli më 8 nëntor 1462 u shërbente prindërve për të pagëzuar fëmijët në rast rreziku për jetën, kur mungonte prifti. Ajo përbën fjalinë më të hershme të njohur deri më sot, të shkruar në gjuhën shqipe dhe me datë të saktë. Dorëshkrimi u zbulua në Bibliotekën Laurentiana të Firences nga studiuesi rumun Nicolae Iorga, më 1915.

20:23

Piastri e Norris "Perandorë", në Shanghai dominon McLaren: Hamilton kritikon Ferrarin

Lapsi.al 23 March 2025
Piastri e Norris "Perandorë", në Shanghai dominon McLaren:
McLaren siguron një dopietë të parashikuar në Çmimin e Madh të Kinës, me Oscar Piastri që triumfon përpara shokut të skuadrës Lando Norris. Ky i fundit, fitues një javë më parë në Australi, arriti të parakalojë menjëherë George Russell në kthesat e para, pasi britaniku i Mercedes ishte nisur nga vija e parë pranë poleman-it Piastri. Për australianin, ky ishte suksesi i tretë në karrierë. Russell mbyll garën i treti, pas një paraqitjeje të fortë dhe të qëndrueshme me Mercedes. Ferrari mbetet jashtë podiumit, me një garë të vështirë për Charles Leclerc, i cili në kthesën e dytë pati një kontakt me Lewis Hamilton. Pas dëmtimit të krahut të përparmë, Leclerc e zhvilloi të gjithë garën në kushte jo ideale. Më vonë, në mes të garës, Hamilton i hapi rrugën shokut të skuadrës, për t’i dhënë mundësinë të sulmonte për një vend më të mirë, por përpjekja e tij për të parakaluar George Russell nuk pati sukses.

Ferrari jashtë top 4, Verstappen rikuperon

Leclerc e përfundon garën në vendin e pestë, pasi në tre xhirot e fundit humbi pozitën ndaj Max Verstappen, i cili për një kohë të gjatë bëri një paraqitje poshtë pritshmërive. Hamilton, fituesi i garës Sprint të së shtunës, përfundoi i gjashti, i ndjekur nga një Esteban Ocon surprizues, që me Haas me motor Ferrari bëri një garë shumë të mirë. Në vendin e tetë u rendit Andrea Kimi Antonelli me Mercedes, ndërsa Alexander Albon, në ditën e tij të lindjes, siguroi vendin e nëntë dhe pikë të rëndësishme. Oliver Bearman, me Haas-Ferrari, mbylli top 10-shen, duke sjellë të dyja makinat e ekipit amerikan në zonën e pikëve.

Hamilton: “Modifikime të gabuara pas Sprint-it”

“E provuam, jam i kënaqur që eksperimentuam me diçka ndryshe. Makinën e kishim shumë të mirë në Sprint, por më pas bëmë disa ndryshime që na penalizuan si në kualifikime, ashtu edhe në garë,” – u shpreh Hamilton pas përfundimit të Çmimit të Madh të Kinës. “Në pit stop këtu humbet shumë kohë (Lewis ishte i vetmi nga pilotët kryesorë që ndaloi dy herë, red.). Ishte e vështirë të mbanim ritmin e të tjerëve. Kemi shumë për të mësuar… Nuk ndryshuam vetëm lartësinë nga toka, por bëmë një sërë modifikimesh të vogla që, të kombinuara, na penalizuan. Ishin gjëra që Charles i kishte provuar në testet para-sezonale në Bahrein dhe unë nuk i kisha testuar. Nuk duhet ta përsërisim këtë gabim”.

Të këshilluara

ide

Mbi kufinjtë politikë të protestës sociale

E vetmja mënyrë për ta vrarë potencialin e protestës sociale është nëpërmjet llogjikës së vjetër politike se qelbësira në pushtet rrëzohet vetëm me një aleancë të madhe qelbësirash në opozitë

09:48 Blendi Kajsiu

MOTI TIRANA

13°c

KËMBIMI EURO

90.84

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI