Një ngjarje e rëndë ka ndodhur rreth orës 05:15 në Ksamil, ku një 20-vjeçar francez është vrarë me thikë. Blutë bëjnë me dije se 20-vjeçari me iniciale M.M është gjetur pa shenja jete në shezlongët e një plazhi, pranë një lokali. Dyshohet se i riu është përfshirë në një konflikt për motive të dobëta dhe më pas është goditur me thikë nga 29-vjeçari me inicialet S.V, banues në Has.
Pas ngjarjes, autori është larguar nga vendi i ngjarjes, ndërkohë policia ka nisur kontrollet për lokalizimin dhe kapjen e tij. Po ashtu grupi hetimor ndodhet në vendngjarje dhe nën drejtimin e Prokurorisë, po punon për zbardhjen e rrethanave dhe dokumentimin e plotë ligjor të ngjarjes.
