Policia e Tiranës po vijon ende operacionin për kapjen e 39-vjeçarit Sadik Llani, autorit të vrasjes së 27-vjecarit Ardian Baloshi, ngjarje e ndodhur një ditë më parë në Paskuqan. Nëpërmjet verifikimit të kamerave të sigurisë, policia ka arritur ta gjurmoje itinerari e tij drejt Liqenit të Bovilles.
Forcat RENEA kanë kryer kontrolle mbrëmjen e djeshme në rreth 15 objekte por nuk kanë zbuluar gjurmë të 39-vjeçarit. Krahas zonës së Liqenit të Bovilles policia ka kryer kontrolle edhe në zonën malore të Krujës. Po ashtu kontrollet e Reneas do të vijojnë edhe gjatë ditës së sotme.
Gjatë kërkimeve, Policia ka gjetur makinën e autorit te braktisur pranë Liqenit te Bovilles, por brenda makinës nuk jane gjetur sende te kundraligjshme. Per zbardhjen e kësaj ngjarjeje policia ka marrë në pyetje tetë persona, por nuk kanë dhënë detaje për grupin hetimor. Sakaq, autoritetet po vijojnë kërkimet intensive për arrestimin e 39-vjeçarit, ndërsa hetimet për motivet dhe rrethanat e krimit mbeten ende në zhvillim
