Drejtori i CIA-s, John Ratcliffe, ka mbërritur në Moskë gjatë ditës së martë në një udhëtim të paparalajmëruar.
As Uashingtoni dhe as Moska nuk e kanë konfirmuar zyrtarisht praninë e kreut të inteligjencës amerikane në kryeqytetin rus, ndërsa mbetet ende e paqartë se me kë pritet të takohet ai apo cilat do të jenë temat e diskutimit.
Euronews raporton se, vizita vjen pasi një aeroplan ushtarak transporti i SHBA-së zbarkoi në aeroportin Vnukovo të Moskës, pasi kishte udhëtuar nga Uashingtoni përmes Rigës, çka u pasua nga lëvizja e një autokolone diplomatike amerikane nëpër qytet.
Nga ana e tij, zëdhënësi i Kremlinit, Dmitry Peskov, deklaroi se nuk kishte informacion për avionin ushtarak dhe se nuk janë planifikuar takime me përfaqësues të administratës amerikane këtë javë.
Udhëtimi i sekretuar i Ratcliffe përkon gjithashtu me një ditë pas 35-vjetorit të Pavarësisë së Ukrainës, ku udhëheqësit evropianë u mblodhën në Kiev në mbështetje të vendit, ndërsa asnjë përfaqësues i lartë i administratës Trump nuk mori pjesë në ato ceremoni.
