Mijëra qyetetarë po vijojnë marshimin e tyre kilometrik në rrugët e kryeqytetit. Me pankarta në duar dhe flamuj kuqezi, protestuesit kanë bërë thirrje për dorëheqjen e kryeministrit Edi Rama. Ata kanë kërkuar edhe largimin e kreut të PD-së, Sali Berisha nga opozita.
Nën thirrjet “Opozita jemi në”, qytetarët janë shprehur të vendosur se nuk do ti ndalojnë protestat e tyre pa dhënë dorëheqjen kryeministri Rama.
Pranë bashkisë, qytetarët kanë përsëritur thirrjen “O Erion, o llir prite Ramën mysafir”. Përmes këtyre protestave ata kanë kërkuar anulimin e projektit të Zvërnecit dhe dorëheqjen e kryeministrit Edi Rama.
Protesta ka marrë jehonë kombëtare dhe ndërkombëtare, pasi është shpërndarë edhe në qytete të tjera të vendit dhe diasporë.
“Rama në burg, Berisha në burg”, “Edi Rama ka mbaru”, “O Erion, o legen prite Ramën se po vjen” dhe “Opoziat jemi” këto kanë qenë disa nga thirrjet që kanë shoqëruar protestën e tyre.
Në ditën e dhjetë të tubimit të tyre, numri i protestuesve është rritur ndjeshëm. /LAPSI.al
