Ministri i Drejtësisë, Toni Gogu, në një konferencë për shtyp ka folur mbi përplasjet mes qeverisë dhe sistemit të drejtësisë për pagat.
Gogu u shpreh se mosmarrëveshja zgjidhet në Kuvend siç e ka përcaktuar Gjykata Kushtetuese.
“Pagat kanë nevojë për autorizim ligjor dhe formulë ligjore. Të dyja anët e së njëjtës monedhë do të takohen dhe do të zbatohen. Këto kanë qenë përpjekjet e qeverisë në këtë pikë që të mos vonohen pagat.
Nuk është roli im që të zgjidh një konflikt keqkuptimesh. Unë besoj se mosmarrëveshja zgjidhet në Kuvendin e Shqipërisë se e ka përcaktuar Gjykata Kushtetuese”, tha Gogu.
