Kryeministri Edi Rama është pritur me protesta ditën e sotme në Shkodër, teksa do të marrë pjesë në eventin e organizuar për 35 vjetorin e themelimit të Partisë Socialiste.
Dhjetëra qytetarë janë mbledhur poshtë Kalasë Rozafa duke protestuar kundër ndërtimit të resortit në Zvërnec të Vlorës, kundër ndërtimit të resortit në Rrjoll.
Ndërsa makinat e eskortës kalonin me sirena dhe Policia ishte vendosur në kordon, dhjetëra qytetarë me flamuj, thirrje e pankarta janë rreshtuar anash rrugës.
Në vendin ku po zhvillohet protesta ndodhen të pranishme dhjetëra forca politike, në afërsi të kalasë Rozafa.
