Një 44-vjeçar është paraqitur i plagosur rëndë në urgjencën e Spitalit të Sarandës, pasi dyshohet se ka rënë nga soleta teksa ishte duke riparuar çatinë e një objekti.
Sipas burimeve, i plagosuri është identifikuar si Besnik Lika, banues në Sarandë. Ngjarja ka ndodhur në lagjen nr. 4 të qytetit.
Burime nga bluzat e bardha bëjnë me dije se 44-vjeçari ka pësuar frakturë torakale tetë, me pasojë paralizë të këmbëve, dhe ndodhet në gjendje të rëndë shëndetësore.
Pas marrjes së ndihmës së parë në urgjencën e Sarandës, për shkak të gjendjes së rënduar, ai pritet të transportohet me helikopter drejt Spitalit të Traumës në Tiranë.
Ndërkohë, policia ka nisur hetimet për të zbardhur rrethanat e ngjarjes.
