Një rrugë e dy punë. Duke u kthyer nga vila qeveritare në Dhërmi, ku ishte me familjen, Edi Rama ka ndaluar këtë pasdite edhe në Vlorë ku është pritur nga kryebashkiakja Bruna Mersini.
Mësohet se arsyeja e takimit lidhet me projektin e një parku, për të cilin do të ketë një projekt me qëllim që të mbetet e tillë e të mos gllabërohet nga bizneset e ndërtimit.
Sic raportojnë mediat lokale në Vlorë, interes për këtë park ka ministrja Erjona Ismaili, e cila ka aty shtëpinë e saj dhe nuk do që pamja t'i zihet prej pallateve që mund të ngrihen në atë territor.
Flitet që toka ku është aktualisht parku ka pronarë. Por me ndërhyrjen e qeverisë nuk është cudi që të shpronësohet dhe të plotësohet kështu dëshira e ministres së Ramës dhe deputetes së tij, Erjona Ismaili. Megjithatë në cdo rast, është më mirë një park sesa një pallat. ©LAPSI.al
