Kancelari i Gjermanisë tha se ai dhe udhëheqja e partisë CDU “janë thellësisht të tronditur” nga rezultatet e zgjedhjeve të mbrëmshme.
“Nuk e prisnim në këtë formë”, u tha Friedrich Merz gazetarëve në Berlin.
“Me këtë ditë, diçka ka ndryshuar jo vetëm në Saksoni-Anhalt, por edhe në Gjermani”, shtoi ai.
Sipas Merz, rezultati ndikon edhe në “situatën ndërkombëtare” duke pasur parasysh jehonën pozitive midis partive ndërkombëtare të ekstremit të djathtë.
“Kur gati 60% e votuesve në një shtet federal votojnë për partitë politike që sfidojnë në thelb institucionet dhe rregullat demokratike të vendit tonë, ky është një rezultat zgjedhor që nuk mund ta lëmë mënjanë dhe të vazhdojmë si zakonisht”, deklaroi Merz.
Gjithashtu, kancelari tha se rezultati e prek atë personalisht dhe shënon “humbjen më të keqe zgjedhore që CDU pësoi në vite, në dekada”.
Por, ai deklaroi se i qëndron besnik qëllimeve të politikave të qeverisë së tij.
“Ne të gjithë e dimë se duhet të bëjmë më shumë për t’u rilidhur me njerëzit. Kjo vlen për mua si kancelar, unë mbaj përgjegjësinë kryesore”, tha Merz.
Mirëpo, shtoi se “nuk ka ndërmend t’i shmanget kësaj përgjegjësie”.
