Një koleksion portretesh të pikturuara nga ish-Presidenti i SHBA-së, George W. Bush, është ekspozuar në një muze në Columbus të Ohajos. Ekspozita me titull "Portrete të Kurajos" përfshin piktura me të cilat Bush u bën homazh njerëzve që shërbyen më 11 shtator.
Columbus është bërë qyteti i dytë në të gjithë vendin që ka pritur këtë ekspozitën, e cila do të zgjasë deri në fund të vitit.
"Këto portrete mbresëlënëse, të pikturuara nga Presidenti Bush, janë një homazh i përjetshëm për burrat dhe gratë që iu përgjigjën thirrjes së vendit të tyre për shërbim. Ne i ftojmë të gjithë amerikanët të vizitojnë ekspozitën dhe të shohin këto portrete prekëse që kapin guximin dhe sakrificën e tyre", - tha Dr. Frederick Bertley, Drejtor Ekzekutiv i Memorialit dhe Muzeut Kombëtar të Veteranëve.
Në të njëjtën kohë, më shumë se 40 piktura nga ish-presidenti u ekspozuan në Universitetin e Maine.
Ekspozita tjetër, e cila zgjati vetëm një ditë, u organizua si mbledhje fondesh në kishën bregdetare të Kishës Episkopale të Shën Anës në Kennebunkport, të cilën familja Bush thuhet se e ka vizituar çdo verë për breza me radhë.
Të ardhurat nga ekspozita e George W. Bush do të financojnë riparimet e faltores dhe të dallgëthyesit të shkaktuara nga stuhitë në janar 2024. ©LAPSI.al
