Albulena Haxhiu është zgjedhur këtë të mërkurë Kryetare e Kuvendit të Kosovës. Mësohet se Haxhiu mori 62 vota pro, 16 kundër dhe 13 abstenim.
Ndërkohë në rendin e ditës së kësaj seancë është dhe zgjedhja e nënkryetarëve të Kuvendit.
Seanca e sotme është vazhdim i seancës së nisur më 6 gusht. Ajo ishte ndërprerë dy herë me kërkesën e kryeministrit në detyrë, Albin Kurti, për më shumë kohë për një marrëveshje politike për presidentin. Konstituimi i Kuvendit të ri i hap rrugë formimit të qeverisë së re dhe zgjedhjes së presidentit të ri Partia fituese, LVV, i ka votat për Kuvendin dhe qeverinë e re, por jo edhe për presidentin e ri. Zgjedhja e presidentit ka qenë në qendër të krizës politike këtë vit dhe mund të shkaktojë sërish zgjedhje të reja.
