Është mbyllur me debate mbledhja e Këshillit Kombëtar të Partisë Demokratike, pasi Ilirjana Kuçana ka kërkuar votimin e një rezolute. Pasi kreu i demokratëve, Sali Berisha ka bërë publikë emrat e kandidatëve për sekretarë dhe të nënkryetarëve, Ilirjana Kuçana është ngritur në këmbë dhe ka kërkuar zbatimin e statutit në lidhje me rezolutat. Berisha pranoi se kishte folur më herët me Kuçanën, por ai tha se statuti parashikonte ndryshe.
"Ke komunikuar me mua sot, të kam thënë "ndiqe statutin", asgjë nuk ju mohohet" dëgjohet të thotë Berisha duke folur me Kuçanën.
Video më poshtë:
Më herët, ish-kandidatja për deputete e PD-së në zgjedhjet e 11 majit i kishte kërkuar anëtarëve të Këshillit Kombëtar, që të mos merrnin porosi nga sekretari i Përgjithshëm i PD-së, Flamur Noka, për mënyrën e votimit.
"Sot keni përgjegjësinë të votoni sipas ndërgjegjes dhe statutit, jo sipas porosive. Fenomeni i “mulizmit” nuk përcjell shpresë dhe optimizëm për demokratët. Ata presin ripërtëritje, meritokraci dhe një frymë të re.
Mos merrni porosi nga Muli. Merrni përgjegjësinë para demokratëve dhe votoni me zemër, sepse vendimi juaj i sotëm do të përcaktojë besimin e nesërm te Partia Demokratike" ka shkruar ajo.
