Lady Gaga dhe Michael Polansky mund të jenë martuar në fshehtësi, ndërsa miqtë e këngëtares dyshojnë se çifti ndodhet aktualisht në muajin e mjaltit.
Sipas një burimi të cituar nga Daily Mail, askush nga rrethi i Gaga-s nuk e ka parë apo dëgjuar prej më shumë se një muaji.
“Gjithkush në rrethin e saj mendon se ajo është martuar me Michael dhe tani ndodhet në muajin e mjaltit, duke u përpjekur të bëjë një fëmijë”, tha burimi.
Këngëtarja 40-vjeçare është shfaqur rrallë në publik kohët e fundit. Ajo u fotografua për herë të fundit në fillim të gushtit në Kaliforninë Veriore, ku ndaloi për të bërë një selfie me një fans.
Megjithatë, Gaga ka vijuar të jetë aktive në rrjetet sociale, kryesisht për të promovuar produktet e saj të bukurisë Haus Labs. Më 25 gusht, ajo publikoi gjithashtu një fotografi Polaroid pa asnjë përshkrim.
Gaga dhe Polansky janë në një lidhje që prej vitit 2019 dhe e konfirmuan fejesën në vitin 2024.
Në mars, gjatë një transmetimi të Bruno Mars në iHeartRadio, Gaga foli për planet e martesës dhe tha: “Do të martohemi së shpejti.”
Dyshimet për një martesë të fshehtë janë shtuar edhe për shkak të deklaratave të mëparshme të çiftit. Në një intervistë për Rolling Stone, Polansky kishte thënë se në shumë mënyra ata tashmë ndiheshin si të martuar.
Ndërkohë, Gaga ka folur hapur edhe për dëshirën për t’u bërë nënë, duke thënë se të qenit nënë është gjëja që dëshiron më shumë.
