Një skandal korrupsioni ka përfshirë Qeverinë e Maqedonisë së Veriut, ku është arrestuar shoferi i një zyrtari të lartë, i dyshuar se i kishte kërkuar 1.500 euro një qytetari me premtimin se do t'i siguronte një vend pune.
Sipas Prokurorisë, i dyshuari pretendonte se kishte ndikim te zyrtarë të Qytetit të Shkupit dhe se mund të ndërhynte për punësimin e qytetarit në konkursin për pranimin e zjarrfikësve.
Rasti u zbulua pasi qytetari e denoncoi në polici. Pas hetimeve, autoritetet organizuan dorëzimin e kontrolluar të parave dhe më 4 shtator e kapën të dyshuarin në flagrancë duke marrë 500 euro, pjesë e shumës prej 1.500 eurosh që dyshohet se kishte kërkuar.
Prokuroria ka nisur hetimet për veprën penale "Pranimi i shpërblimit për ndikim të kundërligjshëm", ndërsa gjykata i ka caktuar 30 ditë paraburgim.
Sipas autoriteteve maqedonase, i arrestuari ishte i punësuar në Shërbimin për Çështje të Përgjithshme dhe të Përbashkëta pranë Qeverisë së Maqedonisë së Veriut dhe shërbente si shofer i një funksionari të lartë qeveritar.
Policia e Kosovës: 3 protestues të shoqëruar, 11 qytetarë dhe 6 efektivë të lënduar
Kur duket se protesta e mbajtur në Prishtinë është shpërndarë, policia e Kosovës ka lëshuar një komunikatë p&...
