Nipi i bosit të drogës “El Chapo”, Isai Martinez, ka rënë në prangat e policisë meksikane. Ministri meksikan i Sigurisë, Omar García Harfuch, njoftoi kapjen e tij në rajonin e Sonora-s. Operacioni i zhvilluar u koordinua me Departamentin e Mbrojtjes dhe Zyrën e Prokurorit Publik.
Martínez, i arrestuar më parë në vitin 2008 në moshën 25 vjeç, ka një urdhër ekstradimi në fuqi në Shtetet e Bashkuara. Sipas CNA, që nga ajo kohë ai ka qenë nën mbikqyrjen e autoriteteve ndërkombëtare, ndërsa SHBA-të kishin lëshuar një kërkesë për ekstradimin e tij.
I ekstraduar në vitin 2017 pasi u arratis dy herë nga burgjet meksikane, 'El Chapo' po vuan një dënim me burgim të përjetshëm në një strukturë të sigurisë maksimale në Kolorado për akuza të shumta, duke përfshirë trafik droge dhe pastrim parash.
Sipas të dhënave gjyqësore mësohet se 'El Chapo' iu lut autoriteteve gjyqësore amerikane ta transferonin atë përsëri në vendin e tij të lindjes, duke përmendur dënimin e tij mizor.
