Policia spanjolle ka arrestuar një person që dyshohet të jetë një nga të arratisurit më të kërkuar të Suedisë gjatë një bastisjeje në Barcelonë.
Sipas raportimeve të mediave të huaja, burri i kërkuar nga autoritetet suedeze akuzohet për rreth 20 krime të dhunshme, përfshirë vrasje. Sipas Ministrisë së Brendshme në Madrid, ai dyshohet se stërviste të rinj, të cilët i rekrutonte, për të kryer vrasje dhe sulme dhe i furnizonte ata me armë.
Ai u arrestua të shtunën në qytetin bregdetar të Sitges, rreth 30 kilometra nga Barcelona, pas disa ditësh mbikëqyrjeje, tha policia spanjolle. Autoritetet spanjolle dhe suedeze e kishin hetuar burrin që nga qershori i vitit 2025, tha ministria e brendshme.
Sipas autoriteteve, burri besohet se ka lidhje të ngushta me një nga figurat më famëkeqe të krimit të organizuar në vendin e Evropës Veriore, të ashtuquajturin "Pablo Escobar i Suedisë".
