Një aksident është regjistruar në rrugën 'Llazi Miho' në Tiranë, ku një 10-vjeçar është përplasur nga dy mjete njëri pas tjetrit. I mituri është transportuar me urgjencë në spital për të marrë ndihmën mjekësore dhe mësohet se ndodhet jashtë rrezikut për jetën.
Sipas të dhënave paraprake, ai është goditur fillimisht nga një motomjet që drejtohej nga një 27-vjeçar, i cili nuk kishte leje drejtimi. Pas përplasjes së parë, 10-vjeçari është goditur edhe nga një automjet që drejtohej nga një 47-vjeçar.
Drejtuesi i makinës është larguar nga vendi i aksidentit, por është identifikuar më pas nga policia dhe po ndiqet në gjendje të lirë. Ndërkohë, drejtuesi i motorit është arrestuar, ndërsa rastit i është dërguar Prokurorisë për veprime të mëtejshme.
