Një gjykatë federale në SHBA ka rrëzuar pezullimin e vizave emigruese për shtetasit e 75 vendeve, mes tyre edhe Shqipëria.
Vendimi u dha të premten nga gjyqtarja Jeannette Vargas në Manhattan. Ajo e cilësoi politikën e administratës Trump si të paligjshme dhe në kundërshtim me ligjin federal të emigracionit. Sipas gjykatës, Sekretari i Shtetit Marco Rubio kishte tejkaluar kompetencat e tij duke bllokuar lëshimin e vizave mbi bazën e kombësisë së aplikantëve.
Masa ishte shpallur në janar nga Departamenti i Shtetit. Ajo prekte shtetas nga 75 vende, përfshirë Shqipërinë, Bosnjë-Hercegovinën, Brazilin, Kolumbinë, Pakistanin dhe Bangladeshin. Padia ishte ngritur nga organizata që mbrojnë të drejtat e emigrantëve dhe nga aplikantë të prekur nga pezullimi.
