Flakët vijojnë me intensitet në masivin pyjor me pisha, ndërsa forcat zjarrfikëse janë angazhuar për neutralizimin e vatrave të zjarrit dhe mbrojtjen e zonave të banuara.
Në terren po punojnë forcat zjarrfikëse të Patosit, Roskovecit, Mallakastrës, Albpetrolit dhe Beratit, të cilat po ndërhyjnë për të vënë nën kontroll situatën dhe për të penguar afrimin e flakëve pranë banesave.
Për arsye sigurie, një familje është evakuuar nga zona, ndërsa ndërhyrja vijon pa ndërprerje.
Ndërkohë, pritet mbërritja e helikopterit të dytë për t’iu bashkuar operacionit të shuarjes së zjarrit.
