Ish-efektivi i Policisë së Shtetit, Uljan Shpataraku, ka paditur Policinë e Shtetit, pasi u shkarkua nga detyra në muajin maj të vitit 2026.
Vendimi për largimin e tij u firmos nga Drejtori i Përgjithshëm i Policisë së Shtetit, Skënder Hita.
Shpataraku ka mbajtur postin Asistent i Drejtorit të Departamentit për Teknologjinë e informacionit në drejtorinë e përgjithshme të policisë.
Sipas argumentimit të institucionit, Shpataraku u përjashtua nga radhët e policisë me pretendimin se nuk paraqitej në punë.
Ndërkohë, sipas të dhënave të bëra publike, gjatë kësaj periudhe Shpataraku ishte duke ndjekur studimet master në Akademinë e Sigurisë.
Me padinë e depozituar në gjykatë, ai kërkon shqyrtimin e ligjshmërisë së vendimit për shkarkimin e tij dhe rikthimin në detyrë.
Uljan Shpataraku njihej si i besuari i Ilir Prodës gjatë kohës që ky i fundit drejtonte Policinë e Shtetit.
