Policia e Sarandës ka finalizuar operacionin e koduar “Focus”, duke goditur një grup të dyshuar kriminal që kryente vjedhje me thyerje në banesa dhe automjete.
Si rezultat i hetimeve intensive, policia zbardhi dhe dokumentoi gjashtë raste vjedhjesh të ndodhura gjatë periudhës 25-27 qershor 2026, ndërsa identifikoi pesë pjesëtarët e grupit.
Në pranga kanë rënë Sherif Dafku, 33 vjeç, banues në Durrës, Blerim Allaraj, 27 vjeç, Belik Cengu, 32 vjeç, dhe Eusedio Dumbollari, 30 vjeç, të tre banues në Tiranë.
Ndërkohë, është shpallur në kërkim Olsi Shehu, 39 vjeç, banues në Fier, ndërsa vijon puna për kapjen e tij.
