Edon Zhergova la gjurmët e para te Juventus, jo më si lojtari që humbi këtë apo atë mundësi, por si një lojtar që shënoi golin e parë në kampionat me bardhezinjtë, madje dygolëshin e parë. Edhe pse në çastin e fundit vjen goli i Adzic dhe Sassuolo fiton 3-2. Një ndeshje e çmendur, në të cilën erdhi humbja e parë e sezonit për Juventus. E ku keqardhja më e madhe e teknikut Spalletti dhe vetë tifoëzve është se në një emergjencë totale ku mund të jetë dëmtuar edhe Alajbegovic, lojtari që mori notën më të lartë është lënë jashtë listës europiane.
I futur në fushë nga minuta e 15' e pjesës së dytë, Zhegrova ka marrë notën 7. Sapo preku fushën luajti ‘flipper’ duke dribluar kundërshtarë të ndryshëm me frekuencë, pastaj i morën masën dhe u fut në pauzë, por u rindez në golin e 1-1. Pastaj ishte i vetmi që nuk u intimidua nga 2-1 i Sassuolo e me të gjitha forcat e tij gjeti golin e 2-2. Fatkeqësisht, për kosovarin, nuk mjaftoi.
Futbolli është i çuditshëm. Ndonjëherë është thjesht absurd. Në fakt, Zhegrova, pas një përgatitjeje verore shumë të mirë, praktikisht u la mënjanë. Jashtë listës së Europa League, u nxor në merkato, në pritje të një skuadre që, në fund, nuk erdhi kurrë. Kështu që qëndroi te Juventus, duke e ditur se do të kishte shumë pak hapësirë. Ndonjë mundësi në kampionat, asgjë më shumë, sepse të paktën në Serie A ishte regjistruar. Dhe ajo mundësi erdhi këtë mbrëmje. Gjysmë ore si protagonist absolut.
Ndoshta gjysmëora më e bukur që kur mban veshur fanellën e Juventus. Zhegrova hyn dhe shënon një dygolësh. Dy gola me të cilët rikuperon dy herë Sassuolo. Një lojtar që praktikisht ishte lënë mënjanë, papritur e gjen veten si njeriu që mban në këmbë Juventus. Dhe këtu vjen paradoksi, sepse ndërsa njëri prej të përjashtuarve përpiqet ta shpëtojë, Juventus arrin gjithsesi ta humbasë ndeshjen.
