Pas ceremonisë intime në Londër, Dua Lipa dhe aktori britanik Callum Turner kanë organizuar një dasmë madhështore në Sicili të Italisë, mes miqve, familjarëve dhe shumë emrave të njohur të showbiz-it.
Ceremonia kryesore u zhvillua në Villa Valguarnera pranë Palermos, ku çifti shkëmbeu betimet përpara të ftuarve në një ambient luksoz në natyrë.
Një nga momentet më të veçanta të mbrëmjes ishte performanca e legjendës së muzikës Elton John, i cili interpretoi këngën e tij të famshme “Your Song” për çiftin.
Festimet u shoqëruan gjithashtu me fishekzjarre spektakolare, ndërsa të ftuarit shijuan një menu të përgatitur nga shefi i njohur italian Tony Lo Coco.
Në mesin e të ftuarve të famshëm ishin Charli XCX, Mark Ronson, Troye Sivan, Joe Alwyn dhe emra të tjerë të njohur të industrisë së muzikës dhe kinemasë.
Dua dhe Callum u martuan fillimisht më 31 maj në një ceremoni private në Londër, ndërsa festa në Itali u organizua si celebrimi kryesor i martesës së tyre.
Romanca e çiftit u bë publike në fillim të vitit 2024, ndërsa këngëtarja konfirmoi fejesën e tyre në qershor të vitit 2025 gjatë një interviste për British Vogue.
