“Partia e Demokratëve Europiane”, një forcë politike evropiane e qendrës, që drejtohet nga ish-kryeministri francez François Bayrou dhe që mbron me forcë integrimin evropian dhe parimet federaliste ka reaguar sërish për protestat në Shqipëri.
Në një postim në rrjetet sociale PDE ka shpërndarë foton e një vajze të re që qëndron përpara një efektivi policie me shënimin: “Jam e zhgënjyer nga ju”.
“Në ditën e 34-t të protestave në Tiranë, një fjali jehon më fort se çdo brohoritje: “Jam e zhgënjyer nga ju.”
Një grua e re ia thotë këtë një oficeri policie dhe në atë moment Shqipëria sheh hendekun në rritje midis qytetarëve të saj dhe atyre në pushtet.
Demokracia nuk ka frikë nga protesta paqësore. Ajo dëgjon. Kur institucionet i përgjigjen guximit me forcë, ato nuk rivendosin rendin - ato shkatërrojnë besimin.
Evropa duhet të qëndrojë në krah të atyre që protestojnë në mënyrë paqësore dhe të rinjve mjaftueshëm të guximshëm për të mbrojtur demokracinë” – thuhet në reagim. ©LAPSI.al
