Mali i Zi po avancon me ritme të rrufeshme drejt anëtarësimit në Bashkimin Europian, duke mbyllur edhe dy kapituj të tjerë të negociatave, atë për lëvizjen e lirë të mallrave dhe sigurinë ushqimore.
Me këtë vendim, Podgorica ka mbyllur përkohësisht 23 nga 33 kapitujt e negociatave, duke e lënë shumë pas Shqipërinë, e cila deri më tani ka mbyllur vetëm 4 kapituj.
Diferenca mes dy vendeve ka arritur tashmë në 19 kapituj, ndonëse të dyja i kanë hapur të gjithë kapitujt e negociatave me Bashkimin Europian.
Përtej propagandës së dhunshme të Edi Ramës, i cili tashmë përpiqet ta lidhë fatin europian të Shqipërisë me fatin e tij politik, shifrat tregojnë një realitet tjetër. Distanca me Malin e Zi është ndoshta pasqyra më e qartë e hendekut mes retorikës së qeverisë dhe progresit konkret në procesin e integrimit.
Sipas raportit të fundit të Komisionit Europian, Mali i Zi mund t'i përfundojë negociatat e anëtarësimit deri në fund të vitit 2026, nëse përmbush reformat e kërkuara. ©Lapsi.al
