Këngëtarja Cassie Ventura ka deklaruar në dokumente gjyqësore se aktualisht jeton jashtë Shteteve të Bashkuara dhe nuk ka plan të rikthehet në vend.
Në një deklaratë të datës 1 maj, të dorëzuar si pjesë e një padie ndaj saj nga ish-mbikëqyrësi i saj Clayton Howard, ajo shprehet: “Unë jetoj jashtë Shteteve të Bashkuara. Nuk kam ndërmend të kthehem për të jetuar në SHBA”, raportojnë mediat ndërkombëtare.
Ende nuk dihet se në cilin shtet është zhvendosur këngëtarja dhe kur ka ndodhur saktësisht largimi i saj. Ky zhvillim vjen rreth një vit pasi Ventura dëshmoi në gjyqin federal ndaj ish-partnerit të saj, Sean “Diddy” Combs, ku ai u përball me akuza të rënda për trafikim dhe shfrytëzim seksual.
Gjatë procesit gjyqësor, ajo rrëfeu për abuzime fizike dhe emocionale gjatë marrëdhënies së tyre shumëvjeçare, që zgjati nga viti 2007 deri në 2018.
Ventura kishte ngritur më herët një padi civile ndaj Combs në vitin 2023, e cila u zgjidh brenda 24 orëve, ndërsa më vonë ajo deklaroi se kishte marrë një marrëveshje financiare prej 20 milionë dollarësh.
Në çështjen aktuale, Clayton Howard pretendon se Ventura i ka shkaktuar dëme fizike dhe emocionale dhe kërkon dëmshpërblim.
