Komisioni Evropian dhe Ukraina kanë rënë dakord të përshpejtojnë procedurat për ndarjen e 45 miliardë eurove, rreth 50 miliardë dollarë, në kuadër të Kredisë Mbështetëse për Ukrainën për vitin 2027.
Sipas një deklarate të përbashkët të publikuar të enjten, fondet do të disbursohen në varësi të përmbushjes së kushteve të përcaktuara. Ndërkohë, palët kanë rënë dakord të nisin punën për identifikimin e nevojave shtesë të Ukrainës në fushën e buxhetit dhe mbrojtjes.
Në deklaratë theksohet gjithashtu se partnerët e tjerë duhet të përmbushin angazhimet e tyre financiare dhe të rrisin përpjekjet, në përgjigje të sfidave me të cilat përballet Ukraina.
Komisioni Evropian dhe Ukraina kanë rënë dakord gjithashtu të zhvillojnë takime mujore, me synim koordinimin e përpjekjeve të përbashkëta.
