Pas ndalimit të disa protestuesve gjatë përplasjes me policinë në protestën e zhvilluar pranë Parlamentit, dhjetëra qytetarë janë mbledhur para Komisariatit nr. 1 në Tiranë, ku të ndaluarit po mbahen nga Policia e Shtetit.
Avokati i tyre, Gentian Seriani, deklaroi për News24 se nuk është lejuar të takojë klientët e tij, ndërsa sipas tij, e njëjta ndalesë u është vendosur edhe familjarëve të protestuesve.
“Nuk ka asnjë justifikim nga Policia e Shtetit pse na ndalojnë të takojmë të ndaluarit. Askush nuk është lejuar, përveç deputetëve dhe Avokatit të Popullit. Do të qëndrojmë këtu dhe besoj se do të bashkohen edhe familjarët. Po mbahen në mënyrë të padrejtë”, u shpreh Seriani.
