Ariana Grande është parë duke kaluar fundjavën e 4 Korrikut në shoqërinë e ish-partnerit të saj Ricky Alvarez, duke nxitur menjëherë spekulime në rrjetet sociale.
Sipas fotove të publikuara, çifti i dikurshëm u pa në Boca Raton, Florida, teksa dilte nga një supermarket Whole Foods me qese ushqimesh në duar.
Grande kishte zgjedhur një veshje të thjeshtë me xhinse dhe bluzë sportive, ndërsa Alvarez e ndihmonte të mbante çantat dhe t’i vendoste në makinë.
Dyshja ka qenë në një lidhje gjatë viteve 2015–2016, por prej atëherë ka ruajtur një marrëdhënie miqësore. Rikthimi i tyre në publik vjen vetëm pak kohë pas lajmeve për ndarjen e këngëtares nga partneri i saj i fundit, Ethan Slater.
Mediat amerikane raportojnë gjithashtu se Grande dhe Alvarez janë parë së bashku edhe më herët gjatë muajit, megjithatë burime pranë tyre kanë mohuar çdo mundësi për një romancë të re, duke theksuar se mes tyre ka vetëm miqësi.
Në një koncert të fundit, Ariana Grande madje ndryshoi një varg kënge që i referohej Alvarez, duke lënë të kuptohet se raporti mes tyre mbetet miqësor dhe pozitiv.
Ariana Grande ka pasur një sërë marrëdhëniesh të njohura gjatë viteve, përfshirë Mac Miller, Pete Davidson, Dalton Gomez dhe së fundmi Ethan Slater.
