Mohamed Alabbar erdhi me shumë bujë në Shqipëri. Kryeministri Edi Rama e prezantoi atë si njeriun e mrekullive të Dubait, ndërtuesin e “Burj Khalifa” dhe që do të kthente Durrësin në një parajsë të ngjashme me ato të sheikëve të Lindjes së Mesme.
Në fakt ajo që po ndodh me portin më të madh të vendit është një histori krejt tjetër. 2 miliardë dollarët që do të investoheshin duken shumë larg ndërsa pak kohë më parë autoritetet pranuan zyrtarisht se dy nga godinat e ndërtuara ishin fundosur.
Tashmë duket se dhe vetë Alabbar pranon gabimet e bëra në Shqipëri. Në një rrëfim të publikuar këtë 1 gusht themeluesi i kompanisë “Emaar” thotë troç se “në Shqipëri ndërtoi shumë shpejt” dhe se kjo “ishte gabim”.
Më pas zhvendoset te ajo që ka bërë në bregdetin e Malit të Zi që e quan një tjetër gabim për shkak të këshillave të një juristi indian.
Po tashmë që Alabbar e pranon gabimin, po qeveria do ta pranojë dështimin? ©LAPSI.al
