Aktivisti Arben Kola, nga protesta e radhës kundër qeverisë, u bëri thirrje qytetarëve të vijojnë qëndresën dhe të mos ndikohen nga propaganda, duke deklaruar se synimi i tyre është largimi i kryeministrit Edi Rama.
“Prania juaj këtu është rezultat i keqqeverisjes. Gjithçka nisi me betejat për lumenjtë, detet dhe kundër korrupsionit”, deklaroi ai.
Aktivisti akuzoi gjithashtu se “Rama dhe Berisha janë bashkë” për çështje të caktuara, duke përmendur shkatërrimin e Valbonës dhe Rrjollin.
“Rama dhe Berisha janë bashkë për shkatërrimin e Valbonës, janë bashkë edhe në Rrjoll, ku u tërhoqën zvarrë banorët. Mos u dorëzoni dhe mos u ndikoni nga propaganda. Jemi bashkë për rrëzimin e Edi Ramës”, përfundoi Kola.
