Një aksident rrugor ka ndodhur mesditen e sotme në lagjen Sheq i Madh në Fier. Bëhet me dije se një motomjet është përplasur nga pas me një automjet dhe si, drejtuesi i motomjetit ka mbetur i lënduar.
Menjëherë në vendngjarje kanë mbërritur shërbimet e urgjencës, të cilat i kanë dhënë ndihmën e parë dhe e kanë transportuar të plagosurin në spital për ndihmë mjekësore. Ndërkohë, policia ndodhet në vendin e ngjarjes dhe po kryen veprimet procedurale për zbardhjen e rrethanave dhe shkaqeve të aksidentit.
