Qeveria ka dorëzuar në Kuvend aktin normativ përmes së cilit financuan me 4 mln euro mbarëvajtjen e një prej aktiviteteve kulturore-artistike të koncertit të artistit të njohur ndërkombëtar, Kanye West (YE).
Sipas nenit 101 të kushtetutës, akti normativ duhet të shqyrtohet në seancë plenare brenda 45 ditëve nga momenti i hyrjes në fuqi të tij. Kjo do të thotë, se diskutimi i aktit do duhet të futet në rendin e ditës brenda muajit korrik, para se deputetët të shkojnë me pushime verore. Akti duhet të marrë 71 vota në parlament për t'u quajtur i vlefshëm.
Opozita ka reaguar ashpër duke vënë në dukje se financimi i qeverisë për koncertin përbën gati gjysmën e fondit rezervë të emergjencave dhe një abuzim me aktin normativ.
