Protesta kundër qeverisë vijon edhe këtë të premte, duke shënuar ditën e 104-të të mobilizimit. Qytetarët pritet të mblidhen sërish para Kryeministrisë, me kërkesën kryesore për dorëheqjen e Edi Ramës dhe largimin e qeverisë së tij.
Prej më shumë se tre muajsh, protestuesit dalin në shesh kundër keqqeverisjes, korrupsionit në nivele të larta dhe problemeve të tjera politike e sociale. Ata kërkojnë gjithashtu ndryshimin e klasës politike në vend. Organizatorët kanë deklaruar se protesta do të vijojë deri në realizimin e kërkesave të tyre. Sipas tyre, mobilizimi nuk do të ndalet derisa Edi Rama të largohet nga posti i kryeministrit.
Revolta është zhvendosur ditët e fundit edhe para Parlamentit. Në seancën që shënoi nisjen e sesionit të ri parlamentar, protestuesit i pritën deputetët me vezë dhe domate, duke shprehur pakënaqësinë ndaj klasës politike.
