Televizioni publik gjerman, ARD, në edicionin kryesor të lajmeve “Tagesschau” vazhdon t’i kushtojë hapësirë protestave në Shqipëri. ARD thekson se protesta e flamingove ka ardhur duke u përshkallëzuar.
REPORTAZHI
Ata dalin në rrugë për të kërkuar një ndryshim të parakohshëm të qeverisë. Protestë në kryeqytetin shqiptar, Tiranë, të martën. Policia duhet të ndalojë disa protestues që të mos depërtojnë drejt Parlamentit.
Kjo nuk është hera e parë. Prej më shumë se 100 ditësh tashmë ka protesta në Shqipëri. Fillimisht, protestat kishin të bënin me një projekt luksoz ndërtimi në bregdetin e Adriatikut.
Dhëndri i presidentit amerikan Trump planifikon të ndërtojë këtu struktura luksoze dhe një marinë për jahte. Kundërshtarët thonë se kjo do të dëmtonte mjedisin.
Protesta mjedisore ndërkohë është shndërruar në një lëvizje politike. Ajo drejtohet kundër kryeministrit Rama. Pavarësisht protestave të zgjatura, ende nuk shihet ndonjë tërheqje nga ana e qeverisë. Rama i qëndron planeve për projektin e ndërtimit./LAPSI.al
