Policia ka identifikuar dhe ka vënë në pranga autorin e dyshuar të zjarrvënies në fshatin Lekaj të Rrogozhinës. Blutë bëjnë me dije se pas hetimeve u konstatua se në oborrin e banesës së shtetasit të arrestuar kishte vatra zjarri, ndërsa në pjesën e pasme të kësaj banese, kishte një tjetër vatër zjarri që dyshohet se është përhapur.
Si pasojë është shkrumbuar një sipërfaqe toke me 250 pemë ulliri dhe pemë të ndryshme frutore. Zjarri ditën e djeshme në fshatin Lekaj rrezikoi edhe banesat e zonës, por fatmirësisht pas ndërhyrjes në kohë nga forcat zjarrfikëse, u arrit të shuhej.
