Një vatër zjarri është konstatuar mbrëmjen e sotme në malin e Shashicës, mbi fshatin Kaninë.
Mësohet se, forcat zjarrfikëse janë nisur menjëherë drejt zonës për të bërë të mundur izolimin e flakëve, por ndërhyrja po pengohet nga terreni i thepisur malor.
Për më tepër, situata po rëndohet nga era e fortë që po fryn në këto momente, e cila po favorizon përhapjen me shpejtësi të zjarrit.
Në zonën e përfshirë nga flakët ka kryesisht shkurre, mirëpo prania e disa staneve me bagëti aty pranë ka shtuar shqetësimin e banorëve dhe emergjencave civile për dëmet e mundshme.
