Presidenti amerikan e bëri njoftimin përmes një postimi në "Truth"; i njëjti fat pret edhe "përhapësit e tjerë të lajmeve të rreme"
"Jam krenar të njoftoj se, me efekt të menjëhershëm, po ndaloj hyrjen e CNN, MSN Now dhe Politico në Shtëpinë e Bardhë për shkak të lajmeve të tyre të vazhdueshme të rreme!"
Ky është veprimi më i fundit, i njoftuar përmes një postimi në platformën e tij të rrjeteve sociale, "Truth" nga presidenti amerikan Donald Trump në fushatën e tij kundër atyre që ai i quan media "armiqësore" dhe "përhapës të lajmeve të rreme".
Vendimi, të cilin agjencia Associated Press e ka cilësuar tashmë si "një sfidë ndaj Amendamentit të Parë", u njoftua në mbrëmje. Ende nuk ka pasur reagim nga mediat në fjalë. Në postim, manjati theksoi se edhe "përhapës të tjerë të lajmeve të rreme" do të merrnin së shpejti të njëjtin trajtim. ©LAPSI.al
