Edi Rama po bën gjithcka të ulë valën e protestës dhe t’ i mbushë mendjen opinionit publik se investimi në Zvërnec duhet bërë. Pasi solli në vëmendje një investim të ngjashëm në Portugali, së fundi kryeministri ka publikuar në faqen e tij në Facebook edhe fotot e një resorti tjetër turistik në Katar.
Ai thotë se ky destinacion është zhvilluar nga po të njëjtët vëllezër nga Katari që janë bashkëpronarë të kompanisë që do të investojë në Zvërnec.
Postimi i plotë i Ramës
Ky ishull është në Katar dhe është një ndër destinacionet më të vizituara turistike të Lindjes së Mesme, i cili administrohet nga brandi prestigjoz Anantara.
E dini kush e ka zhvilluar?
Dy vëllezërit Alkhayatt, pikërisht bashkëpronarët e konglomeratit Poëer Holding, blerësit e tokës private dhe bashkëinvestitorët e projektit të Zvërnecit!
Tani kujt ia ha mendja se një kompani si Power Holding, vjen në Shqipëri të shkatërrojë reputacionin e vet me budallallëqet që thuhen për projektin, nuk kemi ç’i bëjmë. Po budallallëku që e ka lënë këtë vend mbrapa bote 100 vite, nuk ka për ta marrë dot peng Shqipërinë Europiane dhe Turistike🇦🇱🦩🇪🇺
* Poëer International Holding është një konglomerat nga Katari me më shumë se 400 kompani, të organizuara në gjashtë sektorë kryesorë të ekonomisë, me një portofol të vlerësuar afërsisht 40 miliardë dollarë. Ka më shumë se 65,000 të punësuar dhe operon në 25 vende të botës.
