Mijëra qytetarë janë mbledhur sot në Bulevardin “Dëshmorët e Kombit”, ku për të tretën ditë radhazi protestojnë kundër projektit të ndërtimit në Zvërnec, por edhe për projekte të tjera.
Me thirrje kundër qeverisë, protestuesit i kanë kthyer përgjigje kryeministrit Rama se nuk janë pro dialogut, ndërsa i kërkuan atij dorëheqjne dhe anulimin e projekteve.
Një ditë më parë, mijëra qytetarë u mblodhën fillimisht pranë Ministrisë së Brendshme dhe më pas marshuan drejt godinës së qeverisë, në një protestë që u zhvillua në Bulevardin “Dëshmorët e Kombit”. Pjesëmarrësit përcollën mesazhin “Nesër më shumë”, duke paralajmëruar mobilizim të mëtejshëm.
