Policia ka arrestuar ditën e sotme tre persona në Kurbin, pasi qëlluan me armë zjarri drejt automjetit të kushëririt të tyre. Në lidhje me këtë, është shpallur në kërkim edhe një tjetër person.
Nga veprimet hetimore ka rezultuar se tre të arrestuarit, pas një konflikti verbal për motive të dobëta me kushëririn e tyre, kanë qëlluar me armë zjarri në drejtim të automjetit me të cilin lëvizte ai. Nga ky rast, nuk pati persona të dëmtuar, por vetëm dëme materiale. Automjeti i 38-vjeçarit është sekuestruar në cilësinë e provës materiale, ndërsa policia po punon për kapjen e personit të shpallur në kërkim dhe gjetjen e armës së zjarrit.
