Ka nisur protesta e dytë radhazi në Tiranë, në mbrojtje të Zvërnecit. Qytetarët janë mbledhur para Ministrisë së Brendshme. Ata marshuan në këmbë drejt Kryeministrisë, ndërsa thërrasin “dorëheqje”.
Qytetarët mbajnë në duar pankarta ku shkruhet “Shqipëria nuk është në shitje”, “Anulo projektin” apo edhe slogane të drejtpërdrejta politike si “Rama në burg, Berisha në burg”. Protestuesit fajësojnë të dy krahët e politikës për atë që po ndodh në Zvërnec.
Një ditë më parë mijëra qytetarë iu përgjigjën thirrjeve në rrjetet sociale për të protestuar në kryeqytet. Një tubim marashim që nisi te Drejtoria e Policië së Tiranës, vijoi drejt Ministrisë së Brendshme dhe përfundoi para Kryeministrisë.
