Në ditën e 102-të të protestës pati një ndryshim të skenarit. Pas përfundimit të fjalimeve para Kryeministrisë, protestuesit kanë nisur marshimin në rrugët kryesore të Tiranës.
Qytetarët kanë bllokuar disa prej akseve kryesore të kryeqytetit, mes tyre kryqëzimin te Rruga e Elbasanit dhe kryqëzimin që të çon në drejtim të Sheshit “Skënderbej”.
Më pas protestuesit kanë qëndruar te Kryqëzimi tek 21 Dhjetori, pasi kanë bërë një marshim të gjatë.
Ata janë ulur në kryqëzim, duke ndaluar edhe qarkullimin e automjeteve për pak momente.
Ata janë shprehur se do të bllokojnë rrugët, derisa djemtë e shoqëruar në komisariate të lirohen.
Protesta e qytetarëve synon rrëzimin e qeverisë dhe çmontimin e korrupsionit të përhapur qeveritar. ©LAPSI.al
