Policia e Shtetit përmes një shkrese zyrtare ka njoftuar Ministrinë e Arsimit mbi rrezikun që u kanoset nxënësve si pasojë e një forme të re të trafikut të substancave psikoaktive.
Sipas kësaj shkrese produktet “Edilbles”, të cilat në dukje janë produkte ushqimore, kanë përmbajtje të lartë të THC-së dhe tregtohen në formë xheli apo haribosh.
Autoritetet po ashtu ngrenë alarmin edhe për pasojat që këto produkte kanë për organizmin sidomos te fëmijët.
Përmes kësaj shkrese bëhet apel edhe për ndërgjegjësimin e stafeve të sistemit arsimor parauniversitar dhe nxënësve.
