Francesco Imprezzabile, një oficer policie italian 39-vjeçar, humbi jetën gjatë një ndjekjeje të një makine që nuk u ndal në një pikë kontrolli të hënën në mbrëmje në Milano.
Ndjekja filloi rreth orës 21:30 në periferi të qytetit dhe efektivi i policisë ishte me motorin e tij.
Mediat thonë se polici duket humbi kontrollin dhe u rrëzua. Rënia ishte fatale. Hetimet paraprake kanë përjashtuar mundësinë e një përplasjeje.
Shoferi që nuk i ndaloi policisë është një 27-vjeçar shqiptar që u arrestua pranë Monzës së bashku me një person të dytë. I riu me iniciale B.G. ishte nën masën e detyrimit për t’u paraqitur për një krim tjetër.
Pas marrjes në pyetje ai u dërgua në Burgun e San Vittore. Para hetuesve ai u shpreh: "Ika sepse nuk doja telashe. I kërkoj falje familjes sime dhe Italisë."
Ai tha se nuk u ndal në pikën e kontrollit sepse kishte disa gramë hashash me vete dhe nuk donte “telashe”. I riu gjithashtu pretendoi se nuk e vuri re oficerin që po e ndiqte me motor të rrëzohej. ©LAPSI.al
