Ministri i Jashtëm gjerman, Johann Wadephul, tha se Ngushtica e Hormuzit duhet të bëhet përsëri e lundrueshme pa asnjë kufizim, pasi zyrtarët amerikanë dhe iranianë thanë se kishin arritur një marrëveshje për t’i dhënë fund luftës së tyre dhe për të rihapur rrugën jetësore të transportit detar.
“Duhet të bëhet e qartë se Ngushtica e Hormuzit është përsëri e hapur për lundrim, pa asnjë kufizim dhe pa asnjë mundësi për të vendosur taksa doganore ose tarifa të ngjashme”, tha Wadephul para takimit me homologët evropianë në Luksemburg.
Presidenti amerikan, Donald Trump, njoftoi mbrëmjen e së dielës se marrëveshja e paqes mes Shteteve të Bashkuara dhe Iranit është përfunduar. Pakistani, shtet i cili ka luajtur rol kyç ndërmjetësues në negociata, deklaroi se palët kanë arritur dakordësinë për t’i dhënë fund konfliktit.
