Kaia Gerber ka folur hapur për vështirësitë që ka kaluar me çrregullimet e të ngrënit dhe presionin e vazhdueshëm mbi pamjen e saj fizike.
Në një intervistë për Vogue, modelja dhe aktorja 24-vjeçare tregoi se komentet negative për trupin e saj nuk e kanë ndihmuar aspak.
“Kam pasur çrregullime të të ngrënit në jetën time. Njerëzit thonë: ‘Dukesh keq’, dhe kjo nuk të bën të mendosh: ‘Shumë mirë, tani do ta kapërcej këtë sëmundje mendore’. Negativiteti nuk ka shpëtuar kurrë jetën e askujt”, u shpreh ajo.
Gerber pranoi se është ndikuar nga standardet e Hollivudit dhe trendi aktual i dobësisë ekstreme, duke treguar se prej vitesh është krahasuar me nënën e saj, supermodelen Cindy Crawford.
“Jam xheloze për trupin e mamasë sime. Do të doja të kisha lindur me gjoks dhe vithe. Njerëzit gjithmonë kanë komentuar trupin tim, dhe kjo është e vështirë sepse jo gjithmonë jam gati të komentoj vetë për trupin tim”, tha Kaia.
Megjithatë, ajo theksoi se e konsideron një kompliment të madh kur njerëzit i thonë se i ngjan Cindy Crawford.
“Do të doja t’i ngjaja më shumë. Mendoj se edhe në ditët e mia më të mira nuk jam aspak afër saj. Ajo është gruaja më e bukur, brenda dhe jashtë.”
Kaia, vajza e Cindy Crawford dhe ish-modelit Rande Gerber, nisi karrierën në modelim që në moshën 10-vjeçare dhe më herët ka pranuar se statusi i saj si “nepo baby” i ka hapur shumë dyer në industri.
