Anne Hathaway ka reaguar ndaj spekulimeve që kanë pushtuar rrjetin lidhur me shtatzëninë e saj.
Të hënën, më 10 gusht, aktorja 43-vjeçare publikoi në Instagram një video ku shfaqet duke u përgatitur për tapetin e kuq të filmit të saj të ri, “The End of Oak Street”. Në mbishkrimin e videos, Hathaway iu përgjigj komenteve që pretendonin se barku i saj i shtatzënisë ishte i rremë.
“Flokë fake, bark i vërtetë”, shkroi ajo me humor.
Spekulimet nisën pasi aktorja e "The Devil Wears Prada” u shfaq në premierën botërore të filmit në Los Angeles me barkun e zbuluar, e veshur me një crop top mëndafshi dhe xhinse me bel të ulët.
Në rrjetet sociale nuk munguan komentet skeptike. “Më falni, por ai bark duket fals”, shkroi një përdorues në TikTok, ndërsa të tjerë pretenduan se ishte përdorur grim.
Hathaway, e cila është në pritje të fëmijës së tretë me bashkëshortin Adam Shulman, e bëri publik lajmin e shtatzënisë më 19 qershor përmes një videoje në Instagram. Çifti janë tashmë prindër të dy djemve, Jonathan, 10 vjeç, dhe Jack, 6 vjeç.
Së fundmi, gjatë një interviste në emisionin “Late Night with Seth Meyers”, aktorja u shpreh se shtatzënia po shkon “mrekullisht” dhe pranoi se ajo dhe bashkëshorti i saj u habitën kur mësuan se do të bëheshin prindër sërish.
“E dinim çfarë po bënim, por u habitëm shumë që funksionoi”, tha ajo.
